Шымкент-Сарыағаш бағытында жол көлік апаты болып, бір адам көз жұмды
Шымкенттен Сарыағашқа бет алған жолаушылар автобусы жүк көлігімен соқтығысты. Көліп апаты салдарынан 1 адам көз жұмып, тағы 10 адам зардап шекті.
Бұл туралы ҚазАқпарат ІІД баспасөз қызметіне сілтеме жасап хабарлайды.
«Көлік апаты 12 тамызда шамамен 17 сағат 30 минутта Алматы-Ташкент-Термез тасжолында болған. Өзбекстан азаматы оқиға орнында көз жұмды.
Сондай-ақ, ЖКО-нан 10 адам зардап шеккен, олар автобустың жүргізушісі мен жолаушылары, үшеуі Қазақстан азаматы ал жетеуі Өзбекстан азаматтары. Олар Түркістан облысындағы Қазығұрт және Сарыағаш аудандық ауруханаларына жеткізілді», – делінген хабарламада.
Аталған жайт бойынша бірқатар сараптамалар тағайындалды. Полиция оқиғаның мән-жайын анықтап жатыр.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз