Алматы облысында тауда жоғалған баланы құтқарушылар тікұшақпен іздеуге кірісті

Алматы облысында тауда жоғалып кеткен жеті жасар баланы іздеуге Төтенше жағдайлар жөніндегі комитеттің тікұшағы кірісті, деп хабарлайды Қазақстан ІІМ Төтенше жағдайлар жөніндегі комитеттің ресми өкілі Руслан Иманқұлов.

Бала он күннен бері әлі табылған жоқ. 14 шілде күні 2004-2011 жылдары туған бір топ бала Алматы облысы Жамбыл ауданы Ынтымақ ауылынан жайлауға бет алады. Сол күні кешке бір баланың тау ішінде жоғалып кеткені туралы хабар шыққан.

“Бүгін “Қазавиақұтқару” АҚ тікұшағы іздеу жұмыстарына кірісті, сонымен қатар баланы жаяу және көлікпен іздеп жатыр”, — деп мәлімет берді Иманқұлов.