Ақтөбеде «Алтын белгі» иегері атанған түлек өз қатарласын өлтірді деген күдікпен ұсталды
Мектепті кеше ғана үздік бітірген жас жігіт қамауға алынды. Полицейлердің айтуынша, ол қатарласын аяусыз пышақтап тастаған.
Бұл туралы КТК арнасы хабарлайды.
17 жастағы ұлдарынан қапыда көз жазып қалған отбасы қайғыдан қан жылап отыр. Мектепті кеше ғана тәмамдаған ол күні-түні ҰБТ-ға дайындалып, ауру анасын емдету үшін жақсы жұмысқа тұрып көп ақша жинайтынын жиі айтатын. Бірақ оның бәрі енді бекер. Сол бір қаралы күні Азат футбол ойынына кеткен.
“Мен білмей қалдым. Бәрі жан-жаққа жүгіргенге менде жүгірдім. Барсам менің балам жедел жәрдемнің ішінде жатыр. Есі болды. Мама “үйге қайтшы, ештеңе ойламашы бәрі жақсы болады” деді”, деп еске алды анасы.
Дәрігерлер Азатты аман алып қала алмады. Үш жерінен пышақталған баланың бір соққы дәл жүрегіне тиіпті. Күдікті бірнеше күннен кейін ұсталды. Ол да биыл ғана мектепті бітірген жас түлек. Өзі -“Алтын белгі” иегері. Физика-математика мектеп-интернатының үкілі үміті. Ұстаздары шәкірттерінің бұндай іске шатылып жатқанына сене алар емес.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе