Генадий Головкин IBF тұжырымы бойынша әлем чемпионы белбеуінен айрылды
Халықаралық бокс федерациясының пайымдауынша, гүрзі жұдырықты отандасымыз жүктеген талаптарды орындамаған.
Бұл туралы КТК арнасы хабарлайды.
Головкин міндетті қарсыласы украиналық боксшы Сергей Деревянченкомен 3 тамызға дейін қолғап түйістіруден бас тартқан. IBF мұндай шешімге үзілді-кесілді қарсы болып, ережеге сәйкес чемпион кездесуді бір рет қана кейінге шегере алатынын ескерткен.
Қазақстандық боксшы мұндай мүмкіндікті 5 мамырда америкалық Ванес Мартиросянды жеңген кезінде қолданған еді. Ал, Головкиннің промоутері Том Леффлер бокс федерациясының бұл әрекетін сынға алды. Айтуынша, GGG командасы ұйымның барлық шарттарын бұлжытпай орындап келген.
Айта кетейік, Геннадий Головкин 2015 жылы канадалық боксшы Давид Лемьені жеңгеннен кейін IBF чемпиондық белбеуін қанжығасына байлаған еді
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз