“Арнайы шақырттық…”. Бүгін Димаш Астанада ән салады
Димаш Құдайберген Қазақстан халқы Ассамблеясының XXVI сессиясына арналған концертте өнер көрсететін болды.
Бұл туралы ҚР Мəдениет жəне спорт министрлігінің баспасөз хатшысы хабарлады.
«28 сәуір күні Елбасының қатысуымен жыл сайынғы Қазақстан халқы Ассамблеясының сессиясы өтеді. Мәдениет және спорт министрі Арыстанбек Мұxамедиұлының арнайы шақыртуымен келген Димаш Қүдайбергенов сессияда өнер көрсетеді» – деп хабарлады министрліктің баспасөз хатшысы Айдар Қырықбай Фейсбук парақшасында.
Еске сала кетсек, бүгін сағат 15.00-де Астана қаласындағы Бейбітшілік және келісім сарайында Қазақстан Республикасының Президенті, Қазақстан халқы Ассамблеясының Төрағасы Нұрсұлтан Әбішұлы Назарбаевтың төрағалық етуімен «Бес әлеуметтік бастама – қоғамның әлеуметтік бірлігінің тұғыры» деген күн тәртібімен Қазақстан халқы Ассамблеясының XXVI сессиясы өтеді. Сессия соңында концерт болады.
https://kaz.365info.kz/astanadagy-kontsertke-dimashty-omon-dar-khorshap-alyp-keldi-video-259850
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе