Қазақстанда жасалған “еркек қоздырғыш” жарамсыз етілді

Бас санитар дәрігер Жандарбек Бекшин «Сайвилен» деп аталатын киіктің мүйізінен жасалған биологиялық белсенді қоспаны сатуға тыйым салды.

Бұл туралы КТК телеарнасы хабарлады.

Жігіттер бүгінге дейін «Сайвиленді» тамаққа қосып ішіп келген. Биологиялық қоспа денсаулығы сыр берген ер-азаматтардың төсектегі белсенділігін көтеріп, күш береді екен.

Қоғамдық денсаулықты қорғау комитеті мониторинг жүргізіп, бұл өнімнің Еуразиялық экомикалық одақтың техникалық талаптарына сай келмейтінін анықтапты.

Қораптың сыртында оның құрамы туралы толық ақпарат жоқ. Және «Сайга – БИО», «Дәрігер-2» кәсіпорынның мекен-жайы да жалған болып шыққан. Оның үстіне қоспаның құрамында киіктің мүйізінің сығындысы бар екен.

«Киіктің мүйізін қолдануға Үкімет қаулысымен тыйым салынған. Алматы қаласында орналасқан деп көрсетілген таңбалау бойынша. Бірақ, тексеру кезінде мекен-жайда ешқандай өндіріс орны анықталмаған.