ҚР Мәдениет және спорт вице министрі болып Асқар Баталов тағайындалды
ҚР Мәдениет және спорт министрінің туризм мәселелеріне жауап беретін орынбасары тағайындалды.
Ведомствоның баспасөз қызметінен мәлім еткендей, вице-министр Асқар Баталов туризм мәселелеріне жауап беретін болады.
Асқар Болатұлы Баталов 1964 жылы 19 тамызда Алматы қаласында дүниеге келген. Алматы сәулет-құрылыс институтын, Мәскеу менеджмент академиясын тәмамдаған. 1994-1997 жылдары – «Райымбек» фирмасының вице-президенті; 1997-1998 жылдары – Қазақстан Республикасы Инвестиция жөніндегі мемлекеттік комитетінің бас менеджері; 1998-2005 жылдары – «Қазинвест» қазақстандық инвестицияға жәрдемдесу орталығы» республикалық мемлекеттік кәсіпорнының директоры; «Қазинвест» жабық акционерлік қоғамының президенті болды.
Сондай-ақ Еуразия экономикалық комиссиясының көлік және инфрақұрылым департаментінің директоры қызметін атқарды. «Құрмет» орденімен, медальдармен марапатталған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе