Орталық Қытайдың Таоцзян қаласының тұрғыны өз қолымен суда жүзетін автокөлік құрастырып шығарды.
Жылда Қазақстан өңірлерін көктемде қызыл су басатынын есепке алсақ, бұл да бізге таптырмайтын техникалық құрал сынды.
20 жылдық тәжірибесі бар автомеханик әрі өнертапқыш Сюн Цзянь Қытайда жиі болып тұратын су тасқыны кезінде пайдалануға қолайлы амфибия-көлік құрастыруды қолға алды. Оның мұндай қадамға баруына жауын-шашын маусымында арнасынан тасып, халықты әбігерге түсіретін Жэньци өзеніне жақын маңда тұратындығы да ықпал еткен. Осылайша, өз отбасының амандығын ойлаған энтузиаст суда жүзетін көлікті құрастыруға бел шешіп кіріскен.
Қазіргі таңда Сюн Цзянь өзінің өнертабысын жетілдіру мақсатында жұмыс жүргізуде. Ол көліктің жылдамдығын 40 км/сағ арттыруды, көлік ішіндегі жайлылықты жақсартуды және шудан оқшаулауды көздейді.
https://www.youtube.com/watch?time_continue=58&v=qvBPtpxxIKc