Елбасыдан бата алған балалардың өмірі туралы кітап жарық көрді

Қазақстан Президентінің дербес парақшасына Елбасыдан бата алған, бүгiнде азамат болған өрендердiң Тәуелсiз елiмiздiң дамуына қосқан өзiндiк үлестерiн баяндайтын “Президент пен перзент” атты кітап жүктелді.
Бұл туралы Ақорданың баспасөз қызметі хабарлады.

“Кітапта Елбасының алдында талантымен танылып, ризашылығына бөленіп, алғысын алып, тілегін тыңдаған балалардың өнері мен өмірі жайлы мол мағлұмат беріледі. Білімі мен тәрбиеге ақыл мен қайратты ұштастырып, белгілі бір белесті игерген кешегі балалардың – бүгінгі даралардың жетістігі елге таныстырылады”, – делінген хабарда.