Өлім жазасына кесілген ирандық олигарх қазынаға 2,5 миллиард доллар қайтарады
Ирандық олигарх Бобак Занджани қазынаға 2,5 миллиард долларды қайтарғаннан кейін ғана өлім жазасы жүзеге асырылады. Бұл туралы журналистерге Иранның бас прокуроры Мұхаммадджафъар Мунтазири мәлімдеді. Оның айтуынша, бұл ақша шетел банктерінде жатыр.
Ирандық олигарх 2013 жылы 30 желтоқсанда мұнай нарығында сыбайласқан жемқорлық жасады деген күдікпен ұсталып, тегерандық «Эвин» түрмесіне жолданды. Оны мемлекеттің 2,5 миллиард доллар мұнай табысын иемденді деп айыптады. Бобак Занджани кінәлі еместігін айтып, бар болғаны Иранның орталық банкінің сұрауы бойынша шикізат тасуға делдал болғанын мәлімдеді.
Айыптаулардың бірі Тәжікстан ұлттық банкінің хатын қолдан жасауға қатысты болып отыр. Ол құжатта 2, 5 миллиард доллар Иранның Ұлттық мұнай компаниясына төленгенін растайтындығы жазылған. Бірақ Иранның мұнай министрлігі мұндай қаражатты алмадық деп отыр. Тәжікстанның Ұлттқ банкі де құжатты жалған деп атады.
Тәжікстан билігі Занджани мен оның компанияларымен ешқашан жұмыс істемегенін айтты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе