2017 жылы Қазақстанда 4 сайлау өтеді
Биыл Сенат депутаттарынан бастап ауыл әкімдеріне дейін сайланады.
Бұл туралы бүгін ҚР Орталық сайлау комиссиясының ашық отырысында комиссия төрағасы Берік Имашев мәлім етті, деп хабарлайды ҚазАқпарат.
«Ағымдағы жылдың өзінде-ақ біз 4 сайлау науқанын ұйымдастырып, өткізуіміз қажет. Оның бірі қазіргі уақытта басталып, шығып қалған мәслихат депутаттарының орнына кандидаттарды ұсыну 58 сайлау учаскесінде өтуде. Сайлау 26 мамырда өтеді. 2017 жылдың 30 маусымынан кешіктірілмей 2011 жылдың 19 тамызында сайланған Сенат депутаттарының орнына кезекті сайлау өткізілуі тиіс», – деді Имашев.
Оның айтуынша, мұнан бөлек, ауыл округтерінің құрамына кірмейтін Қазақстан Республикасының аудандық маңыздағы қалаларының, ауылдық округтерінің, елді мекендері мен ауылдарының әкімдерін кезекті сайлау өтеді.
«Сайлау жылын шығып қалған мәслихат депутаттарының орнына сайлау өткізу науқаны түйіндейді. Ол 29 қазанда өтеді», – деді ҚР ОСК төрағасы.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз