“Қасқырды жақсы көремін”. Қайрат Нұртас сыйлығын көрсетіп, мақтанды (видео)

Қайрат Нұртасқа Аман есімді Тараздың жігіті өзі атып алған қасқырын сыйлады.

Бүгіндері әнші Қайрат Нұртас ел аралап жүр екен. Жолсапарында олжалы болған әнші әлеуметтік жеке парақшасында сыйлығын көрсетіп, өзінің қасқырды жақсы көретінін айтты.

“Ассаламағалейкум, барша қазақ елі! Менің сүйікті Тараз қаласында тұратын жандай бауырым маған осындай күшті сыйлық сыйлады. Мен өзім қасқырды қатты жақсы көремін. Мынау – бауырымның өзі атып алған қасқыры. Рахмет, бауырым. Алла қаласа, отбасыңа ұзақ ғұмыр тілеймін. Қазақтың жігіттері бір-біріне осындай сыйлықтар жасап, бір-біріне серік болып жүре берсін! Ағайындар, біз бірге болсақ, аяғымыздан ешкім шала алмайды”, – дейді Қайрат Нұртас.