Халықаралық нарықта мұнай бағасы өсе бастады
Иран орташа қашықтыққа арналған баллистикалық зымырандарды сынақтан өткізген соң АҚШ санкцияны күшейтті.
АҚШ-тың Иранға салған санкцияны одан әрмен төпелей түскен соң халықаралық нарықтағы мұнай бағасы өсе түсті. Бұл туралы халықаралық қор биржасындағы мәліметтерден белгілі болды.
Бүгін Астана уақытымен сағат 11:18-дегі ахуал бойынша, солтүстік теңізден алынатын Brent мұнай қоспасына сәуір фьючерстерінің бағасы 0,35 пайызға артып, оның бір баррелі 57,01 долларға дейін өсті. WTI мұнайына наурыз фьючерстерінің бағасы да 0,35 пайызға артып, бір баррелі 54,02 долларға дейін көтерілді.
Иран 29-қаңтарда орташа қашықтыққа ұшатын баллистикалық зымырандарды сынақтан өткізген еді. Бұған жауап ретінде Вашингтон санкциялар тізімін кеңейтіп, 13 жеке тұлғаның есімін енгізді. Бұл – Иран, БАЭ, ҚХР, Кувейт және Ливан елдерінің азаматтары. Сонымен қатар, тізімде Иран, Ливан, ҚХР және БАЭ елдерінде орналасқан 12 компанияның атауы бар. Санкция баллистикалық зымырандарды құрастырушы Иран бағдарламалары мен “Хезболлах” ливандық шейіттер тобын қолдауда деген айыпта күшейтілген болатын.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз