“Путин, уәде қайда?”. Донбастағы жағдай ушығып барады

Украина қорғаныс министрлігінің нұсқасы бойынша, аймақтағы жағдай жексенбі күні түнде Авдеевкідегі украиналық әскер шебіне шабуыл жасалған соң ушыққан. Донецкідегі қарулы құрылымдардың бірі – “Бригада “Восток” ДНР” өкілі Александр Ходаковскидің Би-би-сиге хабарлауынша, шабуылды бірінші болып украиналық әскер бастаған. Бұл ақпаратты тәуелсіз дерек көздері арқылы растау мүмкін болмай отыр.

Дүйсенбі күні Берлинде Украина президенті Петр Порошенко мен Германия канцлері Ангела Меркель ​кездесті. Канцлер Донбастағы жағдайдың ушығып бара жатқанына алаңдаушылық білдірді.