WhatsApp арқылы тоқал табуға болады екен
Сауд Арабиясының бірнеше азаматы WhatsApp желісі арқылы елдегі ер-азаматтарға тоқал таңдауға болатын тәсіл ойлап тауып отыр, деп жазады muslim.kz.
Желі ішінде «Көп әйел алу» деген топ ашқан олар енді елдегі ер адамдарға екінші, үшінші және төртінші жұбай іздеп әуреге түсудің қажеті жоқтығын айтады.
Аталмыш топтағы іздеу жүйесі тегін қызмет көрсетеді. Қазіргі кездің өзінде топқа 1000-нан астам әйел тіркелген көрінеді. Олардың басым көпшілігі алғашқы жұбайымен дәм-тұзы жараспай ажырасқандар немесе жесір қалғандар. Сондай-ақ, оң жақта отырып қалған кәрі қыздар да өзіне ұнаған ер-азаматтың екінші жұбайы болудан кетары емес көрінеді.
Сондай-ақ, олардың көбісі Пәкістан, Бангладеш, Сирия, Нигерия, Марокко, Иемен, Палестина елдерінен келген қыз-келіншектер екені айтылады. Аталмыш топқа тіркелген олар жалғыздықпен өмір сүргенше, лайықты азаматтың екінші жары болып ғұмыр кешуді артық санайтынын жеткізген.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе