Елімізде жеке кәсіпкерлікті рәсімдеу ережесі өзгерді
2017 жылдың қаңтарынан бастап жеке кәсіпкерлікті тіркеу үшін өтініш беру шарт емес, ескерту жасаса болғаны.
Бұл туралы ҚР Мемлекеттік кірістер комитетінің баспасөз қызметі хабарлады.
Демек, енді азаматтар жеке кәсіпкерлік ашу үшін салық органына өтініш берудің орнына бар болғаны кәсіпкерлікпен айналысатыны туралы ескерте салады. Осылайша азаматтар кәсіпкерлікпен айналысатыны туралы ескерту жіберген сәттен бастап кәсіпкер ретінде санала береді. Егер жеке кәсіпкерлікті бірнеше адам бірігіп ашса, онда құзіретті адам барлық мүшелер атынан сенімхат тапсыруы тиіс.
Ескертуді екі жолмен жіберуге болады: электронды ҚР электронды лицензиялау порталы арқылы немесе мемлекеттік кіріс мекемелеріне құжатты қағаз күйінде алып баруға болады. Екі жағдайда да жеке кәсіпкерлікті тіркеу уақыты – бір күн. Ескерту жіберілгеннен кейін азаматқа кәсіпкер болғаны туралы ешқандай да құжат берілмейді және алым алынбайды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз