Қазақстан заңгері Жохар Өтебеков “Халықтың көші-қоны туралы” заңдағы “уақытша тұру мекені” деген жаңа түсініктің мәнісін түсіндірді.
Оның пікірінше, экстремизммен күрес үшін енгізілген бұл жаңалық студенттерге қиын болайын деп тұр.
– Мұндайда учаскеліктен тыс патруль полициялар да көше кезіп, елден уақытша тіркеу қағазын сұрап, “ақша аулауға” шығып кететін болады. Коммендаттық сағат деген осы. Әрине, бұл ел ішінде азаматтарымыздың еркін жүріп-тұруын шектеп, Конституция мен БҰҰ-ның азаматтық және саяси құқықтар туралы халықаралық пактіні бұзу болып табылады, – дейді ол Caravan.kz порталына берген сұқбатында.