Қытай мен АҚШ арасында сауда-саттық соғысы басталып кетуі мүмкін.
Қытай Қаржы министрінің орынбасары Чжу Гуанъяо жаңадан тағайындалған президент Дональд Трамп ұстанған саясат екі елдегі сауда-саттық соғысын ушықтыруы мүмкін екенін мәлімдеді.
“Егер солай болса, Қытай нақты шараларды қабылдап, АҚШ-тағы жұмыс орындарын қысқартатын болады. Бірақ біз бұлай болғанын қаламаймыз, өйткені ол екі елдің экономикасын да зиян шектіреді” деді шенеунік.
Оның пікірінше, сауда-саттық соғысы ары кеткенде 1 жылға ұласады. Гуанъяо1972 жылдан басталған екі ел арасындағы әріптестік арым-қатынас одан әрі жалғастатындығына сенім білдірді.
Трамп АҚШ Қытайдан тасымалданған тауарларға арнайы баж салығы салынуы керек екенін бірнеше мәрте мәлімдеген. Оның пікірінше, бұл жайт ҚХР ақшасы – юан бағамының көтерілуіне ықпал етеді. Сондай-ақ АҚШ президенті ақша саясаты бойынша Пекин Вашингтонның №1 жауы екенін де айтқан.
Трамптың инаугурациясы 2017 жылдың 20-қаңтарында болады. Ол Барак Обаманың орнын алмастырды.