Солтүстік Қазақстанда қаскөй зейнеткерді қорқытып, тонап кетті
Cолтүстік Қазақстан облысында Мағжан Жұмабаев ауылында 69 жастағы зейнеткер апаға бұзақы пышақ тақап, ақшасын тартып алған.
Қаскөй зейнеткердің 64 мың теңгесін осылайша оп-оңай иемденген деп хабарлайды Солтүстік Қазақстан облысы ішкі істер департаментінің баспасөз қызметіне сілтеме жасап, Today.kz.
“Бұл фактіге байланысты ҚР Қылмыстық кодексінің 192-бабының 2-тармағы, яғни “Бұзақылық” бойынша сотқа дейінгі тергеу ісі қозғалды. Бұл бап бойынша қылмыс дәлелденсе сотталушы 10 жыл бас бостандығынан айырылады. Қазіргі кезде күдікті үй қамаққа алынып, ешқайда кетпеу жөнінде қол хат берілді” деп хабарлайды облыстық департаменттегілер.
Солтүстік Қазақстан облысында 2016 жылдың басынан бері адамды сабап, тонау бойынша 27 факт тіркелген, оның 93 пайызы ашылды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе