Ресей мен Украина тағы соғысқалы жатыр дейді
Украинаның оңтүстігінде бейсенбі күні зымыран шабуылы бойынша әскери жаттығу басталды. Онда ұрыс және көлік авиациялары, зениттік-зымыран және радиотехникалық әскер мен авиация сынақтан өтеді.
Ресейлік әуеқорғаныс жүйесі 1-2 желтоқсан күндері Украина зымырандары Қырым аймағына жіберілетін болса, оларды атқылаймыз деп ескертті.
Осының алдында Ресей президентінің баспасөз хатшысы Дмитрий Песков “Ведомости” газетіне мұндай ескерту Ресей қорғаныс министрлігінің Украинаға жіберген нотасында айтылғанын растады.
Бұған жауап ретінде Украинаның ұлттық қауіпсіздік және қорғаныс кеңесінің хатшысы Александр Турчинов Мәскеуді “арандату мен истериясымен” жаттығуларына кедергі келтірмеуін сұрады. Ол барлық халықаралық келісімдерге сәйкес, Ресейдің әуе кеңістігі Қара теңіздегі Керченск бұғазымен аяқталатынын ескертті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе