Еуропалық комиссия шенген аймағына кірер алдында барлық шетелдіктерді тексеруге шақырды.
Олар ұсынып отырған жүйе америкалық жүйеге ұқсайды: шенген аймағына кіретіндерден ақша алып, арнайы анкета толтыруды міндеттейді. Онда азаматтар барлық жеке мәліметтерін жазуға тиіс. Осыдан кейін ғана ЕО аймағына жіберіледі.
Аталған жүйе ЕО-мен визасыз келісім жасалған елдерге, атап айтқанда Балкан, Молдоваға да қатысты. Болашақта Украина мен Грузия да визасыз келісім жасау процесінде. Бірақ бұл талаптар Болгария, Ирландия, Румыния және Ұлыбритания азаматтарына қатысты емес.
Бұл ұсынысты Еуропарламент қабылдаған жағдайда 2020 жылға қарай күшіне енбек.