Кремль мықты екен. Молдова президенті сайлауында Путин жақтайтын үміткер жеңіске жетті
Молдова президенті сайлауында Ресейді жақтайтын үміткердің жеңіске жетуі – Еуропалық Одақ үшін Мәскеудің экспансиялық ниетін білдіретін үрей дабылы іспеттес, деп жазды румыниялық “Ромыния Либерэ” газеті.
Молдавандар жеті жыл бойы Еуропалық одаққа жақындау бағытындағы реформаларын тежеуге шешім қабылдады, делінген мақалада.
Британиялық “Дейли Мейл” басылымының жазуынша, Игорь Додонның Еуропалық одақпен емес, Ресеймен байланысын арттыру туралы уәделері Молдованың қазіргі үкіметі ұстанған еуропалық бағытына қайшы келеді.
Франциялық “Монд” газетінің хабарлауынша, Молдованың сепаратистік аймағы – Приднестровьедегі ықпалын сақтауға көп күш салған Мәскеу қосымша қаржы шығармастан, Молдованың өзіне де ықпалын жүргізуге әрекеттенеді.
Молдовада 13 қарашада өткен президент сайлауында социалист Игорь Додон оңшыл либерал Майя Сандуды жеңді. Сайлауда азаматтардың 53 пайызы – шамамен 1 жарым миллион сайлаушы дауыс берді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз