Біріккен Араб әмірлігінен Қазақстанға қылмыскер келіншек экстрадицияланды
Биыл 10-қарашада 120 мың АҚШ долларын алаяқтық жолмен иемденді деп айыпталған Қазақстан азаматшасы В.Ким Біріккен Араб Әмірліктерінен экстрадицияланды.
Еске сала кетелік, күдікті 2011 жылы өзін мұнай компанияларының бірінің бұрынғы қызметкері ретінде көрсете отырып, бір кәсіпкерді күкірт шикізатын жеткізу бойынша тиімді келісімшарт жасап беремін деп алдаған. Келісімшарт жасауға кететін шығын деп одан 120 мың АҚШ долларын алып, сол күйі жым-жылас жоғалған. Кейіннен белгілі болғандай, күдікті шетел асып кеткен.
Біріккен Араб әмірлігінің құзыретті органдары бұл азаматты ұстап беру туралы ҚР Бас прокуратурасының сұрауын қанағаттандырып отыр. Экстрадициялау процесі БАӘ-дегі Қазақстан еллшілігі мен ҚР Ішкі істер министрлігі Интерполының көмегімен жүзеге асырылды.
Қазіргі уақытта В.В.Ким Алматы қаласының тергеу изоляторына қамалды.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз