Алматы әуежайының “бомбаланғаны” өтірік болып шықты

Алматы халықаралық әуежайдан адамдар эвакуацияланды. Өйткені мұнда бомба қойылды деген ақпарат келіп түскен.

Алайда бұл жалған ақпарат болып шықты.

«4 қараша күні 102 пультіне сағат 11-ден 25 минут кеткенде белгісіз біреу әуежай аумағында бомба бар екенін хабарлады. Аталған хабарлама әуежай басшылығы мен қауіпсіздік қызметіне, Төтенше жағдайлар департаменті, полиция және құзырлы органдарға хабарланды. Содан соң әуежайдағы адамдарды эвакуациялау басталды. Сағат 11-49-да жолаушыларды рәсімдеу, әуе кемелеріне жүктерді тиеу жұмыстары қалпына келтірілді. Бомба туралы ақпарат жоққа шығарылды», – делінеді Алматы халықаралық әуежайының баспасөз қызметі таратқан хабарламада.