Кремль қорқып отыр. АҚШ Орта Азия елдерін өзіне тартып жатыр
Қырғыз басшысы Алмазбек Атамбаев Бішкекке сапарлап келген АҚШ мемлекеттік хатшысының саяси мәселелер жөніндегі орынбасары Томас Шэннонмен кездесті. Бұл туралы қырғыз президентінің баспасөз қызметі хабарлады.
Кездесу барысында қырғыз-америкалық қарым-қатынастың өзекті мәселелері және түрлі салалардағы әріптестіктің болашағы талқыланды.
Кездесуге АҚШ Мемлекеттік хатшысының Орталық Азия жөніндегі кеңесшісінің орынбасары Дэн Розенблюм және елші Шейла Гуолтни қатысты. Хабарларға қарағанда, Шэннон Бішкекте басқа да ресми тұлғалармен және парламент депутаттарымен, азаматтық қоғам өкілдерімен кездеседі. Одан соң ол 1916 жылы ұлт-азаттық көтеріліс құрбандары ескерткішіне барады.
АҚШ Мемлекеттік депарламентінің мәліметі бойынша, америкалық шенеуніктің Орталық Азия елдеріне сапары аймақ мемлекеттері тәуелсіздігінің 25 жылдығына орайластырылған. Сапар аясында Орталық Азияның бес мемлекеті және АҚШ-тың қатысуымен “С5+1” форматындағы жиын өтеді.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз