Қашаған кен орнынан өндірілген мұнай “ҚазТрансОйл” қорын толықтыра бастады.
Бұл туралы ҚР Энергетика министрі Қанат Бозымбаев Мәжілістегі пленарлық отырыстан кейін мәлім етті деп хабарлады Үкіметтің ресми сайты.
– Қашағанда бәрі рет-ретімен жүргізіліп жатыр. Өндіру басталып қана қойған жоқ, мен бүгін төрт ұңғымада өндіріс белсенді жүріп жатқанын көрдім, тәулігіне шамамен 90 мың баррель өндіріледі, – деді министр.
– «Болашақ» жұмыс істеп тұр. Оны қалпына келтіру жалғасып жатыр, себебі қондырғының барлық түрі әлі жүктеліп жатыр. Бірақ саудаға шығарылатын мұнайы Болашақ зауытынан шықты, тазартылған және бүгінгі күні «ҚазТрансОйл» резервіне құйылып жатыр, – деді Қанат Бозымбаев.
Министрдің айтуынша, енді мұнай кезең-кезеңімен «ҚазТрансОйл» резервтерінде жиналатын болады және алдағы уақытта оператор алғашқы экспорттық келісімшарттар туралы хабарлайды.