Қапшағай әскери бөлімінде командир сарбазды „тәрбиелеймін„ деп, өлтіріп алды

Қапшағайда әскери бөлімнің сарбазы өзінің тікелей жауапты командирімен сөзге келіп, мерт болды.

Бұл туралы ҚР Қорғаныс министрлігінің баспасөз қызметі хабарлады.

Оқыс оқиға 28 қыркүйек күні болған.

«Казармалық ғимараттағы шаруашылық жұмыстар кезінде мерзімді қызмет сарбазы Н.Оразғалиев пен оқу бітіріп, Қарулы күштерге келісімшартпен келген кіші сержант Ж.Рамадин арасында кикілжің пайда болған. Мерзімді қызметтің қатардағы жауынгері Н.Оразғалиев бөлім командирі – келісімшартпен келген кіші сержант Ж.Рамадиннің бұйрығын орындаудан бас тартқан. Сол себепті Ж.Рамадин Н.Оразғалиевтың бетінен ұрған. Әскери қызметкер есін жоғалтып, Қапшағай қалалық ауруханасына жеткізілді және сонда көз жұмды», – делінген Қорғаныс министрлігінің баспасөз қызметі таратқан хабарламада.