Қапшағайдың дөрекі әкімі ақыры жұмыстан шығатын болыпты (видео)
Алматы облысының этика жөніндегі кеңесі Қапшағай қаласының әкімі Сәтжан Қиқымовтың әдепсіз әрекетін келесі отырыста қарастырады.
Бұл туралы bnews.kz хабарлайды.
Айта кетейік, бұған дейін ақпарат құралдарында Қапшағай әкімінің қатысуымен жарияланған бейнероликтен кейін шенеунік өз еркімен жұмыстан шығу туралы өтініш жазды деп жарияланды.+
Видеода көрсетілген жағдай 2015 жылы болған. Бірақ, автор оны желіге бір жыл өткен соң жариялайды. Жасырын камерамен түсірген адам қала басшысын халықпен дөрекі сөйлесті деп айыптаған. Ролик интернет қолданушылар арасында қызу талқыланып, бұл тақырыпқа әзілдер де шығарылды.
Видео жарияланғаннан кейін бір ай өткен соң, С.Қиқымов «өз еркіммен жұмыстан шығамын» деп өтініш жазған.
«Этика жөніндегі кеңес әкімнің әрекетін қарастыруды 23 қыркүйекке жоспарлаған. Бірақ, ол келесі отырысқа ауыстырылды», – дейді Мемлекеттік қызмет істері министрлігінің Алматы облысы бойынша департаментінің өкілі Арсен Жақыпов.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз