Ашық қазаншұңқырға түсіп кеткен көлік иесі залалды әкімдіктен өндіре алады
Биыл Астана қаласының Сарыарқа сотында ашық қазаншұңқырға түсіп кетіп, көлігіне келген зиянды өтеу туралы 4 іс қаралған.
Сарыарқа аудандық сотының төрағасы Арман Жүкенов қаладағы көліктер мұндай жағдайға көп тап болады, бірақ залалды өндіру үшін шағымданатындары аз екенін айтады деп хабарлады 24.kz.
Мысалы, Сарыарқа аудандық сотының қарауына биыл осындай 4 іс келіп түскен. Сот төрағасының айтуынша, шұңқырға түсіп, көлікті бүлдірген кезде бірден жол полициясы қызметкерін шақырту керек. Бұл факті тіркелген соң, жол-көлік оқиғасын суретке міндетті түрде түсіріп алу қажет.
Ал жауапқа тартылатын қалалық әкімдіктің автокөлік жолдары басқармасы немесе жолға жөндеу жүргізіп жатқан компания болады.
Арман Жүкенов, Сарыарқа аудандық сотының төрағасы:
– Бұл факті оқиға орнында тіркелуі керек. „Люк ашық болып, оған түсіп кетіп едім„ деп 2 күннен соң келіп тұруға болмайды. Қолында оны дәлелдейтін құжат болуы тиіс. Осыны көлік жүргізушілері көп біле бермейді.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз