Астанада қара жұмысқа жалданған екі студент биіктен құлап мерт болды
Астананың құрылыс алаңында тағы қайғылы оқиға! Бұл жолы екі студент 20-шы қабаттан құлап, сол жерде жан тапсырды.
Бұл туралы КТК хабарлады.
Оқыс оқиға Есілдің сол жағалауында жаңадан салынып жатқан мына көп қабатты тұрғын үйде болған. Екі жігіт жоғарыда балкон сыртын әрлеп жатқан кезде темір тіреулер сынып кетіпті. Марқұмның екеуі де Астанадағы жоғарғы оқу орындарының бірінің 19 жастағы екінші курс студенттері.
Сабақ кезінде олардың қалайша құрылыс алаңында жүргені де белгісіз. Ал, қайғылы жағдайға байланысты «Еңбек тәртібі сақталмаған» деген бап бойынша сотқа дейінгі тергеу жүріп жатыр.
Жалпы Елордада құрылыс алаңында кісі өлімі жиі болады. Мұнда былтырдан бері 9 адам биіктіктен құлап қаза тапқан.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз