Елудегі ел ағаларынан қадір қашып тұр

Елуді еңсерген, алпысты алқымдаған азаматтар үшін жұмыс жоқ.

Екі қолға бір күрек іздеп жұмыссыздар жәрмекесіне келген ақтөбеліктердің пікірі — осындай деп хабарлады Аktobenews.kz.

Тұңғыш Президент атындағы орталық саябақта ұйымдастырылған бос жұмыс орныдарының жәрмеңкесіне үмітін арқалап келген ақтөбелік Асқар Әлиев жұмыс таппай жүргеніне көп болғанын айтады.

— Жасым елуден кетті. Жұмыссыз жүргеніме көп болды. Сегізінші рет өтіп жатқан осы жәрмеңкені аңдып жүріп қатысамын. Бірақ, әлі күнге өзіме лайықты жұмыс таппадым. Тапсам менің жасыма қарап, алмайды, — дейді ол.