Мәскеудің солтүстік ауданында Өзбекстан және Тәжікстан еңбек мигранттары төбелесіп қалып, бір адам қайтыс болды, деп хабарлады Интерфакс.
Агенттік мәліметі бойынша, жанжал 20 тамызда жарым түнде болған. “Жилищник” кәсіпорынының жатақханасына жиналып ішімдік ішкен еңбек мигранттары жанжалдасып қалған. Төбелеске шамамен 35 адам қатысты.
РИА “Новости” мәліметі бойынша, төбелестен соң кәсіпорынның екі аула сыпырушысы ұсталған.