Шымкентте қайыр тілеген мүгедектің өтірігі видеоға түсіп қалды (видео)

Полиция қызметкерлерінің өтірік мүгедек боп жүрген адамды әшкерлеген әрекетін түсірген видео Интернетте пайда болды.

Бұл туралы Motor.kz хабарлады.

Аталған оқиға Шымкент қаласының Темірлан тас жолында орын алған. Видео көліктің тіркегішіне жазылып қалған. Роликте сол қолы жоқ мүгедек сияқты болып жүрген тілемсек кептелісте тұрған жүргізушілерден қайыр сұрайды. Осы уақытта сол арадан өтіп бара жатқан полиция көлігі тоқтап, ер адам жасырынбақшы болады. Алайда ұсталатынын білген ол “жұмысын” қайта жалғастыра береді.