Теміржол мекемесінің 27 жастағы қызметкері Ресейдің Мелуз стансасынан Өзбекстанның Ташкент стансасына дейін үш өзбекті Қазақстан аумағынан өткізу мақсатында пойыз вагонына орналастырған.
Бұл туралы ҚР ІІМ көліктегі ішкі істер департаментінің баспасөз қызметі хабарлады.
Биыл 2 тамыз күні Түркістан стансасы желілік полиция бөлімі және Арыс көлік прокуратурасының қызметкерлерімен бірлесе жүргізілген рейдтік іс-шара кезінде Өзбекстан азаматы болып табылатын «Уфа-Ташкент» бағытындағы жолаушылар пойызы жолсерігінің заңсыз көші-қон ұйымдастырғандығы туралы факті анықталды.Теміржол мекемесінің 27 жастағы қызметкері Ресейдің Мелуз стансасынан Өзбекстанның Ташкент стансасына дейін үш өзбекті Қазақстан аумағынан өткізу мақсатында пойыз вагонына орналастырған.
Жыл басынан бері еліміздің көлік полицейлері ҚР Көші-қон заңнамасын бұзғаны үшін 42 азаматты қылмыстық жауапкершілікке тартқан, соның ішінде заңсыз көші-қон ұйымдастыру бойынша 6 факт анықталған.