Қорғаныс министрлігінің 10 әскери спортшысы да Риодағы Олимпиадаға аттанады
ҚР Қорғаныс министрлігі Армия орталық спорт клубының 10 спортшысы Рио-де-Жанейродағы Олимпиадалық ойындарға аттанады. Бұл туралы ҚР Қорғаныс министрлігінің баспасөз қызметі хабарлайды.
Олимпиадалық жолдама иегерлерінің қатарында қазақстандық жеңіл атлетші капитан Ольга Рыпакова, жеңіл атлетші қатардағы жауынгер Михаил Красилов, былғары қолғап шеберлері аға сержант Біржан Жақыпов, ефрейтор Қайрат Ерәлиев пен ҚР Қарулы күштерінің қызметкері Жәнібек Әлімханұлы, ҚР ҚМ АОСК-ның спортшысы Юрий Юрков – оқ ату, 3-сыныпты сержант Евгений Алексеев – байдаркаларда есу, кіші сержант Ғалымжан Үсербаев – еркін күрес, ефрейтор Руслан Жапаров – таэквондо және заманауи бесайыста өнер көрсететін ҚР қарулы күштерінің қызметкері Елена Потапенко да бар.
Спортшылар жақсы дайындалып жатыр. Бұл Олимпиадада әрқайсысының өз мақсаты бар: алтынды еншілеп, рекорд жасау.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе