Оразада әйелді сүюге, жақындасуға бола ма?
Рамазан – адамның ішіп-жеуден, өзінің қалаулары мен нәпсіден тыйылатын кезі. Алайда кейбір ерлі-зайыптылар оразада әйелімді (күйеуімді) құшақтап, сүюіме, жақындасуыма бола ма деп сұрап жатады.
Ораза кезінде күйеуіне де, әйеліне де бір-бірін сүюге, құшақтасуға тыйым салынбаған, тек сезімге берілместен өзін-өзі тоқтата алатындай болуы керек. Бұл тұрғыда Айша (р.а) анамыз: «Ораза кезінде Пайғамбарымыз (с.ғ.с.) өз әйелдерін құшақтап, сүйетін еді, алайда ол сендердің кез-келгендеріңнен өзін-өзі мықты ұстай алатын» деген (Бұхари 1927, Муслим 1/65).
Ал ер адам мен әйелдің оразада жақындасуына келсек, ауыз ашқаннан ауыз бекіткенге дейін уақытта жыныстық қатынасқа түсуге рұқсат етіледі. Қасиетті Құранда: «Сендерге оразаның кешінде әйелдеріңе жақындасу халал етілді. (Өйткені бір-біріңді қорғауда) олар сендерге киім, сендер де оларға киім іспеттісіңдер» делінген («Бақара» сүресі, 187-аят).
Ал күндіз, ауыз берік уақытта жақындасуға болмайды.
Дереккөз: asylsoz.kz
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе