Ұлттық қауіпсіздік комитеті келтірген деректі ішкі істер министрлігі жоққа шығарды
Ақтөбе облысының ішкі істер департаменті балалар демалыс лагеріне шабуыл жасалғандығы туралы ақпаратты жоққа шығарды. Жалған ақпар беріп, қоңырау шалған адамның жеке басы анықталып жатыр, деп хабарлайды BNews.kz.
– Бұл ақпарат расталған жоқ. Қазір қоңырау шалып, жалған ақпарат беретіндер көбейді. Әрбір ақпаратты біз тексереміз, барлығы расталып жатқан жоқ. Ешқандай атыс болмаған. 102-ге ер адам қоңырау шалыпты. Ұлттық қауіпсіздік комитетімен бірге жұмыс істеп жатырмыз. Телефон нөмірін анықтадық, кім екенін іздеп жатырмыз, – деді облыстық ішкі істер департаментінің мамандары.
Бүгін Елбасы ҚР ұлттық қауіпсіздік комитетінің басшысын қабылдаған болатын. Мемлекет басшысына Ақтөбедегі терроризмге қарсы жүргізіліп жатқан операцияның кезең-кезеңдік нәтижесін баяндаған ол, бүгін балалар демалыс лагеріне шабуыл жасалғаны туралы да айтқан. Алайда, белгілі болғандай, ұлттық қауіпсіздік комитеті келтірген бұл деректі ішкі істер министрлігі жоққа шығарды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе