Ресейде қайтыс болған 19 жастағы боксшыны Қазақстанда жерлемек
Ми жарақатын алып, қаза тапқан боксшыны Қазақстанда жерлейді. Қайтыс болу себебін нақты анықтаған соң, әкесі мүрдені отанына алып келмек. Магадан облыстық бокс федерациясы бар шығынды өз мойындарына алмақ, деп хабарлайды ҚазАқпарат ресейлік басылымдарға сілтеме жасап.
Валерий Попенченко жүлдесіне мемориал-турнир кезінде ауыр жарақат алған 19 жастағы боксшы Владислав Щукин 10 күн жасанды комада болды. Жарыс алдында боксшы жан-жақты медициналық тексеруден өтіп, жарысқа рұсқат алған.
«Қазір өлімінің нақты себебі анықталу үстінде. Щукиннің әкесі Қазақстанда тұрады. Спортшы да сол жақта туған. Рәсімдеуден өткен соң, оны еліне алып кетеді. Барлық шығынды Магадан облыстық бокс федерациясы көтереді», – деді Магадан бокс мектебінің директоры Петр Бурмистров.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе