Алматыда алып қашып кетіп, келін болуға көнбей 8-қабаттан секіріп кеткен Тілеугүл Қуаныштың есімі 2017 жылғы білім грант иегерлерінің тізімінде жүр, деп хабарлайды BAQ.kz ақпарат агенттігі.
Грант иегерлерінің қатарында 1 309-шы болып есімі жүрген Тілеугүл Қуаныш тірі болса Астанадағы Л.Гумьев атындағы ЕҰУ түлегі атанар еді.
“Тілеугүл Аграрлық университеттің биотехнология факультетінің бірінші курсын ақылы тәмамдаған еді. Ата-анама ауыртпалық салмайын деп қыс бойы дайындалып, биыл оқуға қайта тапсырған болатын. Кеше оқу гранттарын қарап отырып, қызымыздың 1 309-шы болып Еуразия университетінің биотехнология факультетіне грантқа түскенін көріп анасы егіліп жылады”, – деді марқұмның туысы Жұлдыз Бұзауқызы.
https://kaz.365info.kz/8-khabattan-khylap-mert-bolgan-khyzdyn-olimine-sebepker-degen-zhigittin-sureti-zhariyalandy-foto-275269