Ресейдің Түмен облысының тұрғыны бірнеше жыл бұрын Алматыдан құны 3 миллион доллар тұратын бағалы марка сатып алған.
Оның өте құнды екенін Махмуд Вахаев ол қолды болған соң бір-ақ білген. Ол бағалы марканы сот арқылы қайтарып алғалы жүргенін Tengrinews.kz агенттігіне айтқан. Австрия құқық қорғау органы оған көмектесе алмапты, енд ол Ресейдің ішкі істер министрлігінің көмегінен үмітті екен.
– Бұл оқиға 5 жыл бұрын болды. Ол Алматыда Светлана есімді әйелден жәй бір марка сатып алады. Светлана Алматының әуе-жайы маңында тұрады екен. Одан бөлек мен 400 марка сатып алып едім. 20-30 доллардан. Бұл Алматыда болды. Менің қолымдағы маркаларымды Австрияда тұратын таныс келіншек Хеда Цугаева көрген еді. Бір күні ол маған ғашық екенін айтып, Австрияға шақырды. Мен құнды маркалар желімделген альбомымды алып, ол жаққа алып-ұшып жеттім. Хеда марканың жайын жақсы білетін өзінің Микаэль деген танысы барын, сол бізге оны сатуға көмектесетінін айтты. Алайда альбом қолды болды. Хеда да жоқ, Микаэль да жоқ.
Содан соң бірнеше күннен кейін неміс басылымдарда сенсациялық мақала жарық көрді. Қасиетті Граалдің үшінші маркасы табылды деп шулады. Суретті менің маркам тұр. Сөйтсем әлемде мұндай марка екеу екен: біреуі Нью-Йорк кітапханасында сақталған, тағы біреуі жеке коллекциоенрдің қолында болыпты. Ал үшінші марканың қайда екенін көп бүгінге дейін білмеген. Бұл ақпаратты көріп, Вахаев маркасын өзіне қайтаруға әрекеттенеді. Бірақ онысынан түк шықпапты. Видеоүндеу жолдаған Вахаевтың тіпті адвокаты да жоқ екен.
Tengrinews.kz бұл мекен-жайды тауып, Светлана деген әйелмен сөйлесті. Ол марка толы альбом сатқанын растады.
Алайда марка туралы алып-қашпа әңгіменің құрбаны болғысы келмеген әйел қазір есігін ешкімге ашпайды, баспасөзге сұқбат бермейді екен.
Ол да марканың өте қымбат тұратынын енді естіпті.
Ұрланған марканы немістің зейнеткер қариясы Дрездендегі үлкен базардан сатып алған. Кейіннен Bild басылымы құнды жәдігердің табылғаны туралы мақала жариялайды.