25 миллион теңге ұтып алған палуан Шынкеевке әкім үй сыйлады
Жуырда ғана «Қазақстан Барысы» атанған Ержан Шынкеевке облыс әкімі Ерлан Қошанов қала орталығынан пәтер сыйлады. Сондай-ақ палуанның жаттықтырушысы Диқанбай БиткөзовтІң иығына шапан жапты.
Әкімдікте бұдан бөлек Елбасы жарлығымен 30-дан астам еңбек ардагері «Астана қаласының 20 жылдығы» мерекелік медалімен марапатталды. Ал жалпы облыс бойынша 140 адамға берілген. Олардың барлығы да түрлі салада жемісті еңбек етіп, өңірдің және бас қаламыздың дамуына сүбелі үлес қосқан жандар.
– Менің жеңісім де бәрі Астана қаласының 20 жылдығымен тұспа-тұс келіпті. Енді өзіміз спортсмен болғаннан кейін шетелге көп барамыз. Сонда осы Астанамызды елдің бәрі біледі. Барған жердің бәрі біледі. Сол Астанамызбен біз мақтанамыз сол жаққа барғанда. Сондықтан осы Астанамыз көркейе берсін, Елбасымыз жасай берсін. Жеңісімді осы Қазақстанымызға, Астанамыздың 20 жылдығына арнаймын.
Айта кетелік, 1-шілдеде өткен “Қазақстан барысы-2018” қазақ күресінен республикалық додасында қарағандылық палуан Ержан Шынкеев алтын белбеу мен алтыннан құйылған «тайтұяқ» және 25 млн ұтып алған еді. Ал оның бапкері 3,5 млн теңгеге иелік етті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе