ҚР Ұлттық қауіпсіздік комитетінің экс-басшысы екі айға қамауға алынды
ҚР Ұлттық қауіпсіздік комитетінің экс-басшысы Нартай Дүтбаев екі айға қамауға алынды.
Бұл туралы Tengrinews.kz хабарлады.
“Астананың Есіл аудандық №2 сотының 2016 жылдың 28-желтоқсанындағы қаулысымен Дүтбаев Нартай Нұртайұлына, Хасен Нұрлан Болатұлына, Нұртаев Ерлан Сүйімбайұлына қатысты екі айға қамауға алу түріндегі бұлтартпау шарасы таңдалды”, – делінген редакцияның ресми сауалына Астана сотының берген жауабында.
Сонымен қатар, осы аталған тұлғалардың Қазақстан Қылмыстық-процестік кодексінің 128-бабының тәртібінде ҚР Ұлттық қауіпсіздік комитетінің уақытша ұстау изоляторына қамалғаны хабарланды. Күдіктілер мен олардың туыстарының тұрғылықты мекен-жайы бойынша тінту жұмыстары жүргізілді, заттай айғақтар тәркіленді.
Айта кетейік, Нартай Дүтбаев 2001-2006 жылдар аралығында ҚР ҰҚК төрағасы қызметін атқарған болатын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе