Нұр-Сұлтан
Қазір
19
Ертең
23
USD
433
-0.10
EUR
456
+1.97
RUB
6.81
+0.08

2021 жылы триллионнан астам теңге елден шығарылды

2021 жылдың қорытындысы бойынша ақша аударымдары жүйесі арқылы шетелге жіберілген ақша аударымдарының жалпы көлемі 1 трлн теңгеден асты. Бұл мәліметтерді Ұлттық Банктің статистикасы берді. 2020 жылмен салыстырғанда бұл көрсеткіш 28,2%-ға немесе 222 млрд теңгеге өсті. Бұл соңғы төрт жылдағы ең жоғары өсу қарқыны.

Аударымдардың ең көбі жаз айларында болды.

  • шілде айында шамамен 103 млрд.
  • тамызда – 100,3 млрд

Бұл көрсеткіштер тарихи максимумдар болып табылады: ААЖ арқылы бір ай ішінде бұрын-соңды ешқашан мұнша көлемде қаражат өтпеген.

Ақша қайда кетіп жатыр?

2021 жылы Өзбекстанға ақша аударымдарының көлемі күрт өсті. 12 айдың қорытындысы бойынша ол 298,4 млрд теңгені құрады, ал бір жыл бұрын — 153,9 млрд. Осылайша, жылдық өсім 93,9%-ды құрады. Ал Өзбекстанның өзі Қазақстаннан алынған қаражат көлемі бойынша көшбасшы болды.

Бұған дейін Ресей көшбасшылықты бермей келген, бірақ 2021 жылы бұл бағыттағы аударымдар көлемі айтарлықтай төмендеді — 213,8-ден 177,2 млрд теңгеге дейін, яғни 17,1%-ға. Сондай-ақ Қырғызстанға аударымдар көлемі қысқарды: 2020 жылғы 165,7 млрд-тан бір жылдан кейін 144,4 млрд-қа дейін.

Түркияға жіберілген қаражат көлемі бір жарым еседен астам өсті (136,7-ден 210,9 млрд теңгеге дейін).

Жалпы

осы төрт елге жыл ішінде ақша аударымдары жүйелері арқылы шетелге жіберілген барлық қаражаттың жалпы көлемінің 82,2%-ы тиесілі

Түсімдер азайып келеді

Жіберілген қаражат көлемі рекордты жаңартып жатқан болса, алынған аударымдар сомасы үшінші жыл қатарынан төмендеп келеді. 2021 жылы көрсеткіш 283,5 млрд теңгені құрады – бұл бір жыл бұрынғыға қарағанда 1,2%-ға (немесе 3,3 млрд) аз. Осылайша, шетелден алынған бір теңгеге 3,56 жөнелтілді.

Ресейден алынатын қаражат көлемі азайып келеді. Жыл қорытындысы бойынша ол 53 млрд теңгені құрады – бұл бір жыл бұрынғыға қарағанда 21%-ға (немесе 28,4%-ға) аз. Кореядан аударымдар да қысқарды (51,6-дан 39,7 млрд-қа дейін). 2020 жылы осы елдерден Қазақстанға барлық түсімдердің 44% тиесілі. 2021 жылы үлес 32,7%-ға дейін төмендеді.

Сонымен қатар Өзбекстаннан аударымдар көлемі: 38,3 млрд теңгеден 49,8 млрд теңгеге дейін өсті. Яғни, бұл ел Ресейді жалпы жылдық көлем бойынша қуып жетті, ал 2021 жылдың қыркүйек айының басынан бері оны сенімді түрде басып озды.

Сондай-ақ республикаға АҚШ-тан жіберілген қаражат көлемі де өсті. 2020 жылы көрсеткіш 23,6 млрд теңгені құраса, 2021 жылы – 33,6 млрд болды. Шамамен осынша қаражат (34 млрд-тан сәл аз) Қырғызстаннан да келді.

Серіктестер жаңалықтары
Көп қаралған
© «365 Info», 2014–2022 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз