2020 жылы шетелдік банктер Қазақстанда филиалдарын аша алады
2020 жылы шетелдік банктер Қазақстанда филиалдарын аша алады. Бұл туралы ДСҰ жанындағы Қазақстанның тұрақты өкілі Жанар Айтжанова айтты, деп хабарлайды Baq.kz .
«Дүниежүзілік сауда ұйымына кірер алдында қойылған міндеттерді орындап жатырмыз. 2020 жылы біз шетелдік банктерге Қазақстанда филиалдарын ашуға мүмкіндік береміз. Осылайша, олар Қазақстан территориясында қызмет көрсете алады», – деді өкіл Астанада өтіп жатқан «Көпжақты сауда жүйесінің болашағына еуразиялық көзқарас: ДСҰ қосылу және ДСҰ қағидаларының эволюциясы» атты дөңгелек үстел кулуарында.
Оның пікірінше, шетелдік банктердің отандық қаржы нарығында жұмыс істеуі бәсекелестікті арттырып, көрсетілетін қызметтердің сапасын арттыруға жол ашады. Сондай-ақ қарапайым тұрғындар ипотекалық несиені АҚШ және Еуропа елдеріндегі сияқты төмен проценттік ставкамен алуы мүмкін.
Естеріңізге сала кетейік, Қазақстан шамамен 20 жылға созылған келіссөздер нәтижесінде 2015 жылдың шілдесінде ДСҰ-ға ресми түрде мүше болды.
Серіктестер жаңалықтары
© «365 Info», 2014–2023 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз