14-маусымда АҚШ доллары 2 теңгеге өсті

14 маусым 2016, 9:49

Kurs.kz сайтындағы деректерге сүйенсек, Алматыдағы ақша айырбас орындарында бүгін 1 АҚШ доллары 333-334 теңге аралығында сатып алынып, 336-337 теңге аралығында сатылып жатыр. Осы жағынан алғанда, алдағы күндері АҚШ доллары тағы да қымбаттауы мүмкін секілді.

ҚР Ұлттық банктің 14-маусымда бекіткен шетелдік валюталар бағамы мынадай: 1 еуро —378,09 теңге, ресей рублі — 5,10 теңге, 1 фунт стерлингі — 475,37 теңге, жапон йені— 3,17 теңге, 1 қытай юаньы — 50,99 теңге, 1 қырғыз сомы — 4,93 теңге, 100 өзбек сумы— 11,45 теңге болды.

АҚШ долларына қатысты ресми бағам Қазақстан қор биржасындағы 13-маусымдағы таңғы және күндізгі сессия (негізгі) қорытындысы бойынша белгіленген. Сауда кезінде америкалық валютаның теңгеге қатысты ресми бағамы 335,81 теңге деңгейінде нақтыланды.