Алматы облысы Ұзынағаш кентінің базарына мал әкеліп, жоғалған үш жігітті іздеген еріктілер Жамбыл аудандық ІІБ ғимараты алдына жиналуда.
Бұл туралы Qamshy.kz хабарлайды.
Бүгін жоғалған жігіттердің туыстары үш азаматтың базарға алып шыққан 40 бас малының 33 басы табылғаны туралы хабарлады. Полиция бүгін сағат үште жоғалған жігіттерді іздеу жұмысының нәтижесі туралы еріктілерге мәлімет беретіні айтылған. Қазір аудандық ІІБ ғимараты алдына жоғалған жігіттердің туыстары мен достары, еріктілер жиналуда. Ондағы халықтың ұзын саны 200 адамнан асады.
https://www.youtube.com/watch?v=LYRjOgVrfjE
Жоғалған жігіттің бірі Жарқынның әкесі “Іздемей жатқан жоқ, халық болып іздеп жатыр. Дүниенің керегі жоқ, тек қана азаматтарым аман болса…”, – деп отыр.
https://www.youtube.com/watch?v=fRuKjZQpEXY
Естеріңізге салсақ, 1979 жылғы Долданұлы Жарқынбек, 1973 жылғы Зарлыханұлы Мұқият пен Әлімхан Қадылбек есімді жігіттер Шығыс Қазақстан облысының Тарбағатай ауданынан 40 бас мал сатып алып, оны екі жүк көлігімен 17 қыркүйек, сенбі күні, Алматы маңындағы Ұзынағаш базарына шығарған. Содан бері туыстары ол азаматтардың еш хабарын біле алмай отыр. Кеше жоғалған азаматтар мал тиеп кеткен екі көліктің табылғаны туралы жазған болатынбыз.