Сот Сейітқазы Матаевтың қорғаушысы сұраған өтініштердің көбісін қанағаттандырмады

34 просмотров

Астана қаласы №2 Есіл аудандық сотында Cейітқазы Матаевтың ісіне қатысты өткен алдын ала соттың дауында айыпталушыны үйқамақ түріндегі бұлтартпау шарасынан кепілге босату туралы өтініш қанағаттандырылмады.

Бұл туралы ҚазАқпарат хабарлады.

Матаевтың қорғаушысы Андрей Попов бірнеше өтінішті жария етті. Атап айтқанда, онда ноутбукті пайдалану; тергеу амалдары Алматының Медеу ауданында жүргізілгендіктен, істің соттылығын өзгерту; Серікқазы Матаев пен Әсет Матаевқа қатысты бұлтартпау шарасын өзгерту; қосымша сот-экономикалық сараптаманы жүргізу; істі прокуратураға жолдау өтінішхаты қамтылған еді.

«Жасын, отбасылық жағдайын, оның бұдан бұрын қылмыстық жауапкершілікке тартылмағанын ескере отырып, сондай-ақ тергеуден жасырынуға ешбір әрекет жасамағанын немесе тергеуге кедергі келтірмегенін назарға ала отырып, Сейітқазы Матаевқа қатысты үйқамақ түріндегі бұлтартпау шарасын өзгертіп, кепілге жіберу бұлтарпау шарасын тағайындауды соттан сұраймын», — деді қорғаушы Андрей Петров.

Оның сөзіне қарағанда, Сейітқазы Матаевтың туыстары 500 айлық есептік көрсеткіш көлемінде кепіл соманы соттар әкімшісіне аударған, сонымен қатар 500 айлық есептік көрсеткіштегі ақша Әсет Матаев үшін де кепіл ретінде енгізілді. Бұл тұрғыда қорғаушы Әсет Матаевқа қатысты бұлтарпау шарасын үйқамақтан кепілге босатуға ауыстыруды сұрады.

Отырыс барысында судья сот залына кардиолог дәрігерді қатыстыру және ноутбук пайдалану туралы қорғаушының өтінішін қанағаттандырды. Атап айтқанда, бұл өтініш оның артериялық қан қысымының жоғары болуына байланысты жасалды.

Бұдан бөлек, судья айыпталушыларға қатысты заңсыз әрекеттер Есіл ауданында жасалғанын айта келе, қылмыстық іс Астана қаласы №2 Есіл аудандық сотында қаралуы тиіс екенін жеткізді.

А.Құрмантаев қосымша сот-экономикалық сараптамасы тұрғысында басты сот талқылауы басталмағанын, осы ретте бұндай сараптамаға негіз жоқ дегенді айтты.

Мұнымен қоса басты сот талқылауы белгіленбегендіктен, істі прокурорға қайтаруға негіз жоқ екенін де мәлімдеді. Сөз соңында судья басты сот талқылауының мерзімі биылғы 23 тамызға дейін созылатынын жеткізді.

Загрузка...