Алматыдағы атыс: Руслан Күлікбаевтың енесі күйеубаласын өлім жазасына кесуді сұрады
Алматыда полицейлерді атып өлтірген лаңкестің енесі Жұмақан Үмбетқұлова күйеубаласын өлім жазасына кесуді сұрады.
Бұл туралы КТК арнасы хабарлайды.
6 адамды жер жастандырған Руслан Күлікбаевтан жақын туыстары да жерініп отыр. Алматы іргесіндегі Ынтымақ ауылында тұратын содырдың ата-енесі күйеубалаларын талайдан бері көрмегендерін айтуда. Лаңкеске күйеуге шыққан қыздарымен де тек телефон арқылы сөйлесіп келген. Сондықтан кешегі оқиға барлық әулетімізде дақ түсірді дейді күйінген ата-ана.
„Жұртқа оқ жаудыратындай қаныпезер екенін білмедік„ деген жақындары енді оған ең қатал жазаға тартуды сұрайды.
Қазір күдікті Руслан Күлікбаевтың кіші ұлы ата-енесінің үйінде тәрбиеленіп жатыр екен. Төрт жасар баланы туғаннан бері нағашы ата-әжесі бауырына басқан. Ал әйелі Аяулымды құзырлы орындар бүгін Алматыға жеткізіпті. Оны тәртіп сақшылары сұрақ-жауаптың астына алмақшы.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе