Ақмолада ер адам арағына ортақтасқан танысын оқтаумен ұрып өлтірді

65 просмотров

Ақмола облысында бірігіп арақ ішкен қос ер адамның бірі екіншісін өлтіріп, 9 жылға сотталды.

Бұл туралы Ақмола облыстық сотының баспасөз қызметіне сілтеме жасап, ҚазАқпарат хабарлады.

Баспасөз қызметінің мəліметі бойынша, Ерейментау аудандық соты бұрын сотталған азамат Ж-ға қатысты қылмыстық істі қарған.

«Сот анықтағандай, Ж. есімді ер адам спирттік ішімдік ішіп, өзінің танысының басынан оқтаумен ұрып, содан соң тепкілеп тастаған. Алған дене жарақаттарынан ер адам оқиға орнында қайтыс болады. Азамат Ж. үшінші танысының көмегімен мәйітті мал қорасына апарып, шөппен жауып, жасырған», деп көрсетілген хабарламада.

Сот үкімімен азамат Ж. ҚР Қылмыстық кодексінің 106-бабының 1-бөлігімен, яғни «Денсаулыққа қасақана ауыр зиян келтiру» бойынша кінәлі деп танылып, оған жазасын жалпы режимдегi түзеу колониясында 9 жыл өтеу түрінде жаза тағайындалды.

Загрузка...