Өзі жоқтың, көзі жоқ. Кәрімовтың орнына отырған Мирзиёев сот жүйесін реформалай бастады

184 просмотров

Өзбекстан президенті қызметін уақытша атқарушы Шавкат Мирзиёев бірқатар қылмыстар бойынша түрме жазасын алып тастайтын үкім қабылдады.

Мирзиёев «Сот-құқық жүйесін реформалау, азаматтардың құқықтары мен бостандықтарын қорғау кепілдерін күшейту жөніндегі шаралар туралы» үкімге 21 қазанда қол қойды.

Құжатқа сәйкес, күдіктілерді қамауда ұстау мерзімі 72-ден 48 сағатқа қысқартылады, ал үйде қамауда ұстау мерзімі – 1 жылдан 7 айға дейін.

Бұдан бөлек, жаңа үкімге сәйкес, пошта-телеграф жолдамасын құлыптау және эксгумация өткізу секілді құзыреттер прокуратурадан сот органына өтеді.

Құжатта айтылғандай, қоғамға қауіп төндірмейтін бірқатар қылмыстар Қылмыстық кодекстен алып тасталынады.

afd15067-4ad8-4b9e-9799-08cd32706f47_cx0_cy0_cw97_w987_r1_s_r1